Happy New Year.
新一年，我以為適應多一點，會想起你少一點．
但原來，十多年的習慣，是忘記不掉的．
到現在我還很想隨手就打電話給你，告訴你日常生活瑣事；
到現在我還很想跟你去shopping，魔鬼不在，買甚麼也拿不停主意；
到現在我還很想第一時間找你，不論發生任何事；
可是，這個習慣，我可不想戒掉呀！
噢，還有，我想無人能比住在倫敦的人更清楚遇到毛毛細雨後的陽光那種喜悅，那可是我每一個清晨最期待的境象．
對，這一年一定會過得很好．
據說拿WHV到英國的男女比例大約是一比九．
很好奇，有人說因為男孩子事業心重，不願用兩年青春來嬉戲；又有人說女孩子愛三五成群過來，凡事有照應，特別易「組團」．
嗯，是嗎？
I spy with my little eyes...
某女子到埗三個月，深受各方黑人愛戴，不論剛果印度孟加拉，全拜到她石榴裙下．平日在香港被嫌棄的一群，突然出現眾多追求者，一律唔理好醜，結果換來只有傷心跟感覺更孤獨．
日本少女一早表明到英國工作目的是為了性和嫁個有錢人（港女乎？）．友人跟我到酒吧與一眾人會合，跟這日本少女成為朋友．不知道是否語言溝通上出了問題，她竟以為他住在Kensington，而馬上又有位三八加鹽加醋說「嘩，住Kensington喎有錢仔喎，仲有見唔見佢拎ＡＥ金卡？可以喎，快ｄ考慮下佢！」．難怪日本妹一見我第一句就問「Is he rich?」，我當場Ｏ嘴再笑笑口答句，「唔知喎，不過佢係住Kennington囉」．
又再有另一香港女仔，結識了一位西班牙藉男友，同居不久就被男友打了一巴掌再逃之夭夭，變得日日兩行眼淚，還要一個人付兩倍租，唉，可苦？
一向認為另一朋友對我像妹妹一樣看待，出席活動時緦管接管送，由於在倫敦有柴可夫實在太方便，我就大大方方認定人家是哥哥．但又萬想不到他在我背後跟人說我跟友人有曖昧關係，那人還說這位朋友是想借她說服我放棄跟友人一起（天呀，現在是甚麼年代？），還似層層的說這位朋友對我有意思，好人壞人我也懂分，但這次真的想不到究竟誰真誰假．
另一日本女子在朋友家寄宿一天，慘被同屋印度人伸手進衫內按摩，但又跟另一同屋韓國人發展關係中，而男朋友又身處意大利，還有更複雜的關係嗎？
找不到一個再令我留在這圈子的理由．
決．定．出．走．
| 14th Oct 2008 |
mill | (42 Reads)
今天畢業禮，很累。
沒有對這個典禮太過投入，像例行公事般上過台拍過照就回家了。可能不是full time 讀書的關係，加上年頭已知所有成績，這遲來的畢業禮實在令人提不起勁。無論如何，現在總算完結了，太好。
說也奇怪，我這人特別心多，樣樣都想學想做，就是沒有一樣做得好；對這行業沒興趣，不想學不想做，那年畢業後第一天工作，回家途中就問自己，一直幹下去真的可以嗎？但說著說著，又一年一年地混過了。
懷疑自己未來還是邊罵邊幹，就是不能埋怨，因為路是自己選擇的。
你的路雖則怪事從從（應習慣了吧？！只怪你的磁場比較特別嘛），但沒我在，要記著遇到任何事都千萬不要笑得太失禮啊～
原來，地鐵可以因為有位乘客上車前踢車廂，司機拒絕開車直至那位乘客落車為止，引致班次嚴重延遲，還不斷重覆廣播「你再唔落車真係會阻住全世界嫁，你知我講緊你嫁，唔該你快ｄ落車」．
原來，Riga真係有山東女子，身高六尺，身型是我的三倍（我在香港已是中碼身型）！身型還是天生的，算了，但可不可以不要在晚飯時間裝出一個team leader樣問我東問我西？怎樣說我也是由香港紆尊降貴到這邊幫你解決問題．
原來，二奶可以如此無賴，可以如此硬頸．慣了被香港二奶縱容的我，日後要真的小心小心！
原來，相隔地球半邊，人可以這樣不同！
新生活開始左兩星期，倫敦同香港雖然睇落好相似，但原來好多野都要唔同習慣．．．
- 要習慣準時收工．唔係晒命，頭幾日真係唔習慣，係香港日日慣左返七至七，黎到日日八至五，唔準時走仲會俾人鬧
- 要習慣唔係打仗式既生活，原來每人每日真係可以有（大量）時間上網加吹水，呢ｄ工係香港點搵
- 要習慣放工返屋企煮飯，依家住公司既好彩仲有洗碗機，遲下點算好．．．
- 要學習夜晚上網大部份會ｍｓｎ既人都已經在睡眠狀況，左搵右搵都搵唔到個人吹下水，好彩（我）就遇著朋友仔失眠有人陪下，但我當然情願佢地有覺好訓
- 要習慣一次買晒一星期既餸，都唔好話唔頭大，依家兩個人一齊煮一齊食都仲好ｄ，遲下同事Ｄ走左咁點算？
- 要習慣一星期洗一次衫，如果夜晚洗仲要睇住幾時洗完，我終於明點解阿媽成日半夜起身hang衫，原來洗衣機入面有ｄ洗完既衫，真係會心掛掛嫁
- 要習慣定時定候留意ｄ日用品用晒要去買返，仲要係boots/superdrug行成粒鐘，為既係不停格價再格價邊隻最抵最平最好用
- 要習慣未有朋友網，做咩都得自己一個，要學習獨立，學習星期五放工要返屋企睇埋ｄ無聊電視
我想講，世上只有爸爸媽媽好．
多謝爸爸努力賺錢養我，尤其買日用品（原來自己出晒錢真係好肉痛）．
多謝媽媽努力打點家中一切，令我放工返到屋企就可以大字型訓係梳化．
多謝好友們努力陪左陪右，陪我跑東跑西．
可以將你地全部搬晒黎倫敦嗎？？？
頭兩星期，感受良多，寫多了，請見諒．
